Арсовска сменета од функцијата во ЗЕЛС, нов претседател Орце Георгиевски од Кисела Вода

ВМРО-ДПМНЕ поднесе барање за смена на Арсовска од местото претседателка на ЗЕЛС, Управниот одбор едногласно го прифати

30/01/2023 13:07
Фото: Б. Грданоски

Неочекувано, градоначалничката на Скопје, Данела Арсовск,а ја изгуби една од најважните функции во државната локална самоуправа – претседателка на ЗЕЛС. Таа денеска е разрешена од претседателка на Заедницата на единиците на локална самоуправа (ЗЕЛС) со едногласна одлука на Управниот одбор.

Барањето за нејзино разрешување стигна од градоначалниците од редовите на ВМРО-ДПМНЕ, а предлогот нејзин наследник да биде градоначалникот на Кисела Вода, Орце Георгиевски, беше едногласно прифатен.

Арсовска беше избрана за претседателка на ЗЕЛС на 22 декември 2021, кога потпретседатели станаа градоначалникот на Валандово, Перо Костадиновски, и градоначалникот на Чаир, Висар Ганиу.

На оваа одлука на Управниот одбор на ЗЕЛС веднаш реагираа од Градот Скопје, тврдејќи дека коалицијата на ВМРО-ДПМНЕ и СДСМ се покажала на дело. 

„Ова е само последниот пример за соработката помеѓу две партии на штета на граѓаните за нивните лични и теснопартиски интереси. На постојниот политички естаблишмент очигледно му пречат луѓе со визија, вредни и чесни, луѓе кои се независни и делуваат исклучително во интерес на граѓаните. На СДСМ и ВМРО-ДПМНЕ очигледно им пречат луѓе кои знаат да кажат не на корупцијата и криминалот, луѓе кои јавниот го ставаат пред бизнис интересот на врхушката во партиите. Истите луѓе кои се најзаслужни за ерозија на македонското општество во сите сфери од денес ја превземаат контролата врз единствената национална асоцијација и непрофитна организација, во која на доброволна основа членуваат сите 80 општини и Градот Скопје“, реагираше кабинетот на Арсовска.

Поврзани содржини

Поради магла намалена видливост до 100 метри во Кочани, Страцин, Битола и Плетвар
Лекарите со препораки до лицата кои ќе скокаат по светиот крст
Од понеделник локален дожд и врнежи снег на планините
ЦУК: Во општините проодни скоро сите патни правци, се дочистуваат локалните земјени патишта
ДСЗИ не утврдил пропусти во лекувањето на деветгодишното дете од Свети Николе што почина на Детската клиника
Посебен сообраќаен режим во Скопје за Водици
Што нуди македонската туристичка винска тура ?
Најстудено во Берово, најмногу снег на Попова Шапка

Најчитани