Член на скаљарскиот клан Радован Кривокапиќ убиен синоќа во Котор

Член на скаљарскиот клан Радован Кривокапиќ (44), со прекар Месар, е убиен синоќа во Црна Гора.

Починал во Општата болница во Котор од повредите здобиени во пукотница пред семејната куќа во Котор, соопшти црногорската полиција, пренесува Вијести.

Пукањето се случило во селото Златне њиве во Котор.

Поради убиството на Кривокапиќ, полицијата го блокирала патот од Котор до Св. Врача и понатаму до Доброта. Ова довело до огромни редици.

„Вечерва, околу 19:40 часот, во населбата Златне њиве во Котор беше употребено огнено оружје. Во таа прилика, Р.К. (44) од Котор беше повреден, а како последица на повредите почина во Општата болница во Котор. Полициски службеници од Полициската управа – Регионален безбедносен центар „Југ“, во соработка со Секторот за спречување на криминал и во координација со надлежниот државен обвинител при Вишото државно обвинителство во Подгорица, преземаат итни мерки и дејствија за утврдување на сите околности и расветлување на ова кривично дело“, соопшти синоќа Управата на црногорската полиција.