Член на мешовитата комисија со Бугарија ги нарече аргументите на Османи „неофашизам“

Посетата на шефот на македонската дипломатија Бујар Османи на Бугарија е со цел да се затапе бугарската реакција на тепањето, за да не стане крајно остра пред меѓународната заедница. Ова на ТВ Нова го изјави професорот Спас Ташев од Бугарската академија на науките, кој е член на Мешовитата историска комисија Бугарија – РСМ.

 Ташев смета дека доаѓањето на шефот на македонската дипломатија е со намера да го гаси пожарот.

„Северна Македонија се обиде да зборува за реципроцитет бидејќи и ние сме биле агресивни и сме предизвикувале ваква реакција. Не знам последниве години дека Македонец бил  тепан затоа што е Македонец. Зборовите на Бујар Османи се неофашизам“, изјави Ташев за „Труд“. 

„Треба да ги запознаеме нашите европски партнери со она што се случува во РСМ“, коментира историчарот на Нова ТВ.

Виктор Стојанов, претседател на фондацијата „Македонија“, рече дека насилникот имал претходни дела, а не е јасно што ќе биде со другите двајца, кои се осомничени дека учествувале во тепањето.

„Дипломатијата е едно, но практиката е друго – македонските институции не работат добро за Бугарите. Имаме многу случаи во кои Бугарите поднесуваат жалби дека се нападнати и загрозени, полицијата не реагира. Во училиштата и во медиумите омраза против бугарскиот народ се негува и е  тенденциозен став. Сите сугестии создаваат силна омраза кај дел од македонското општество. Ако институциите во РСМ не почнат да работат и не се прекине индоктринацијата на омраза, можеби ќе имаме убиени Бугари“, изјави тој.

Дека Бугарија ќе го издигне случајот на највисоко ниво покажува и најавата дека утре Народното собрание ќе одржи вонредна седница. На дневен ред на средбата е сослушување на вршителот на должноста министер за надворешни работи Николај Милков во врска со уште еден случај на физичкиот напад врз Христијан Пендиков.