Цените на дизелот пораснаа до 81 отсто: Најголемо зголемување на Филипините, без промени во Индија и Саудиска Арабија
Цените на дизелот низ целиот свет нагло пораснаа по ескалацијата на конфликтот со Иран, при што Филипините забележаа најголем пораст од 81,6 проценти, додека немаше промени во Индија и Саудиска Арабија, според податоците од графиконот што ги следи движењата на цените од крајот на февруари 2026 година.
Највисок раст е забележан на Филипините, каде што цените на дизелот се зголемија за 81,6 проценти, додека Нигерија е на второ место со раст од 78,3 проценти. Меѓу земјите со најголем пораст се Малезија со 57,9 проценти, Австралија со 52,1 процент, како и Виетнам и Сингапур, каде што цените се зголемија за 45,9 и 44 проценти, соодветно.
Во Соединетите Американски Држави, цените се повисоки за 41,2 проценти, додека во Шри Ланка е забележано зголемување од 37,2 проценти, а во Канада 36,9 проценти. Во Европа, зголемувањата се поумерени, па во Украина растот изнесуваше 33,9 проценти, во Германија 30,9 проценти, а во Франција 27,8 проценти.
Кина забележа раст од 25,4 проценти, додека во Обединетото Кралство зголемувањето изнесуваше 18 проценти. Јужна Кореја и Италија имаат раст од 15,1 и 14,9 проценти, соодветно, додека во Јапонија зголемувањето изнесуваше 14 проценти.
View this post on Instagram
Најмали промени се забележани во земјите производители на нафта и одредени големи пазари. Катар и Обединетите Арапски Емирати имаа раст од 7,9 проценти, додека во Русија зголемувањето беше само 0,5 проценти. Во Индија и Саудиска Арабија, цените на дизелот останаа на исто ниво.
Во оваа инфографика Македонија не е опфатена, но според процентот на пораст на цените, таа би влегла во групите земји со значајно поскапување, од околу 48 отсто, односно цените на дизелот во Македонија во првиот квартал од 2026 година се зголемија за приближно 40% до 48% во споредба со почетокот на годината.
Притоа, цената на дизелот помина низ неколку значајни фази на поскапување:
Во почетокот на 2026, цената на литар дизел изнесуваше околу 64,50 – 65,00 денари, додека куминираше во март кога РКЕ нагло ја зголеми за 14,5 денари, а на крајот на март цената достигна 95,50 денари по литар.