Цел свет во очекување на одлуката на Трамп за царините

Доналд Трамп на претставувањето на новите тарифи би можел да најави формирање на сервис кој ќе собира приходи од целиот свет.

Американскиот претседател Доналд Трамп размислува да најави формирање на таканаречената „Служба за надворешни приходи“ која треба да ги собира приходите од царина од целиот свет.

Трамп, исто така, планира да воведе царини за евтини стоки што се испраќаат од Кина до индивидуални американски потрошувачи. Белата куќа не ги коментираше овие наводи. Размислува да воведе данок од 25 долари за пакети со мала вредност од Кина, изјави еден од изворите за Си-Би-Ес. Портпаролите на Белата куќа не одговорија на барањата за коментар за овие наводи.

Американскиот закон моментално дозволува пратки на кинески стоки без царина во вредност помала од 800 долари (736 евра), дозволувајќи им на компаниите како Тему да ги избегнат увозните давачки. Доколку се усвојат предложените измени, тие би можеле да влијаат на американските потрошувачи кои купуваат евтини производи од Кина преку Интернет.

Белата куќа потврди дека Трамп денеска ќе воведе нови царини, а американскиот претседател треба да зборува во 16 часот. по локално време, односно во 22 ч. по македонско време.

Тарифите против земјите кои имаат мерки против американските производи ќе стапат на сила веднаш откако Трамп ќе ги објави, а американскиот претседател денешниот ден го нарече „Ден на ослободувањето“.