Британските разузнавачи: Се исплати да се приклучиш на руската армија – Путин добро плаќа

Во најновиот разузнавачки извештај, Министерството за одбрана на Обединетото кралство тврди дека воената служба во руските вооружени сили станала профитабилна од почетокот на целосната инвазија на Русија минатиот февруари.

„На 4 февруари 2022 година, рускиот претседател Владимир Путин истакна дека еден поручник добивал 81.200 рубли месечно.  Тоа е над 2,7 пати повеќе од руската национална плата од 72.851 рубли“, се вели во извештајот на британското разузнавање.

„Платата и бенефициите се силен поттик“
„За споредба, 2,7 пати поголема од просечната плата во Обединетото Кралство би била повеќе од 90.000 фунти годишно. Многу е веројатно дека платата и дополнителните бенефиции се силен поттик за вработените да се приклучат, особено оние од посиромашните области на Русија. Сепак,  сè уште мала е веројатноста Русија да ги исполни своите цели за регрутирање волонтери“, додаваат тие.

Рускиот претседател нареди делумна мобилизација минатиот септември за зајакнување на руските сили. Тогаш беше објавено дека Русија планира да повика околу 300.000 резервисти, односно луѓе кои поминале воена обука и, како што нагласи Путин, ги поседуваат специјалистичките вештини потребни на руската армија во војната во Украина.