Австриец со потекло од Македонија еден од осомничените за планираниот терористички напад на концерт на Тејлор Свифт

Двајца осомничени за тероризам се уапсени вчера во Австрија, при што едниот е осомничен за планирање напад на настани во Виена, вклучувајќи ги и претстојните концерти на Тејлор Свифт, изјавија властите.Она што ја прави битна веста за нас е дека тој е со потекло од Македонија, иако е роден во Австрија.

Тој е главно осомничен и е  уапсено во Терниц, додека второто лице е уапсено во Виена.Австриските медиуми објавија дека се вика Беран Алији и дека властите го следеле подолго време. Деталите за помладиот осомничен сè уште не се откриени. Сепак, властите потврдија дека се вршеле подготовки за терористички напад, со цел настани во Виена. Истрагата за пронаоѓање на останатите осомничени продолжува.

Пријателите на 19-годишниот Беран Алији  биле вработени како обезбедување на концертот, со што имале пристап до повеќе локации околу стадионот.Тој планирал со автомобил да се забие во илјадниците фанови на Тејлор Свифт кои би се собирале пред стадионот Ернст Хапел, а потоа со меч и ножеви да тргне да ги напаѓа, па на крај да активира бомба изработена од украдени хемикалии, објави австриски „Куриер“.

 

Франц Руф, директор за јавна безбедност во австриското Министерство за внатрешни работи, рече дека властите биле свесни за „подготвителни дејствија“ за можен напад и дека 19-годишниот осомничен „се фокусирал на концертите на Тејлор Свифт во Виена“, пренесе АПА. Раф рече дека 19-годишникот се заколнал на верност на терористичката група Исламска држава. Се верува дека австрискиот државјанин се радикализирал на интернет. Во неговиот стан била пронајдена сомнителна материја за која постои сомневање дека е експлозив и била дадена на тестирање.

 

Тејлор Свифт закажа концерти на стадионот „Ернст Хапел“ во Виена во четврток, петок и сабота како дел од турнејата Ерас, но поради заканите концертите се откажани. Убивање што е можно повеќе луѓе – веројатно бил основниот мотив на осомничениот за тероризам со потекло од нашата држава кој  сакал да направи експлозив и за таа цел земал хемикалии од своето работно место. Масата обожаватели била цел, а не самата Тејлор Свифт, открил инсајдерски за krone.at. 
Се вели дека 19-годишникот ги украл хемикалиите од неговиот поранешен работодавец, компанија за обработка на метал во Терниц (Долна Австрија). Дали навистина можел да направи  бомба со нив е сè уште предмет на истрага.

Терористот само пред неколку недели се заколнал на верност на терористичката организација ИД. Тој разговарал преку гласник со соучесник, кој исто така беше уапсен во средата. Во моментов се врши проценка на хемиски супстанци кои се запленети при претрес на куќа и други траги.