Апасиев ги повика граѓаните да ја тужат државата во Стразбур
Лидерот на Левица Димитар Апасиев ги повика граѓаните да ја тужат државата за урбаниот хаос бидејќи во Стразбур е донесена пресуда против ваквата практика на градење без мерка.
-Европскиот суд за човекови права во Стразбур вчера – во случајот Џорџевиќ vs Србија – утврдил повреда на “правото на приватност и сопственост” поради тоа што државните власти дозволиле градба на зграда преблиску до домот на апликантката, со што и била попречена сончевата светлина и протокот на воздух до домот!
Правно, ова значи дека поради криминогените ДУП-ови на градоначалниците и советниците на СДСМ-ДПМНЕ и ние во иднина, потенцијално, ќе плаќаме големи оштети врз основа на овој судски преседан! Тужете слободно, на пиша Апасиев на социјалните мрежи.