Американскиот режисер Александар Пејн ќе претседава со жирито на венециска Мостра

Американскиот режисер Александар Пејн ќе претседава со жирито на овогодишниот Филмски фестивал во Венеција, соопштија организаторите во понеделникот. Меѓу поранешните претседатели на жирито беа Изабел Ипер (2024), Дамиен Шазел (2023), Џулијан Мур (2022), Бонг Џун Хо (2021) и Кејт Бланшет (2020).

Жирито ќе одлучи за Златен лав за најдобар филм; Сребрен лав – Голема награда од жирито; Сребрен лав – награда за најдобар режисер; Куп Волпи за најдобра актерка; Куп Волпи за најдобар глумец; Награда за најдобро сценарио; Специјална награда од жирито и наградата Марчело Мастројани за најдобар нов млад глумец или актерка.

Филмовите на Пејн, меѓу кои се комедиите „The Holdovers“, „Sideways“ i „The Descendants“, се номинирани за вкупно 24 Оскари, вклучително со четири номинации за најдобар филм и најдобар режисер.Два пати ја освои наградата за најдобро адаптирано сценарио.

„Голема чест ми е и радост тоа што ќе бидам член на жирито во Венеција. Иако ја споделувам амбивалентноста на филмските творци кон споредувањето на филмови, длабоко ја почитувам речиси стогодишната традиција на Филмскиот фестивал во Венеција, фестивал кој гласно го слави филмот како уметничка форма“, рече Пејн за новинарите.,

Филмскиот фестивал во Венеција ќе се одражи на островот Лидо од 27 август до 6 септември. Имињата на филмовите во конкуренција ќе бидат објавени во јули.