Агенцијата за катастар донираше 40 компјутери на основното училиште „Невена Ѓорѓиева Дуња“ во Кисела Вода

Директорот на Агенцијата за катастар на недвижности, Иван Живковски денеска информираше дека донирале 40 компјутери за основното училиште „Невена Ѓоргиева Дуња“ во Кисела Вода.

„Даваме поддршката за подобрување на образовниот процес и условите за учење на учениците. Агенцијата за катастар на недвижности денес реализираше донација на 40 компјутери за основното училиште „Невена Ѓорѓиева Дуња“ во Општина Кисела Вода“, истакна Живковски во објавата на Фејсбук.

Со оваа донација, како што посочи директорот на Агенцијата, учениците ќе имаат подобар пристап до информатичката технологија и дигиталните алатки, што ќе придонесе за поквалитетна настава и подобри можности за учење и развој.