Расел Бренд под нова истрага: Уште осум жени го обвинуваат за злоупотреба

Лондон – Британскиот актер Расел Бренд се соочува со нова полициска истрага откако најмалку осум жени го обвинија за сексуална злоупотреба и предаторско однесување, објави Дејли мејл.

Бренд (51), кој моментално отслужува 10-годишна затворска казна за силување и сексуален напад, сега може да се соочи со уште едно судење откако се појавија неколку нови наводни жртви.

Детективите ги разгледуваат информациите поднесени против Бренд откако беше прогласен за виновен за силување една жена и сексуален напад на три други жени минатата недела.

Полицијата, исто така, ги финализира доказите доставени до Кралското обвинителство во врска со тврдењата на две жени, вклучително и тврдењето дека Бренд силувал 16-годишно девојче.

Поранешната девојка на Бренд во петокот се огласи со нови обвинувања за злоупотреба, тврдејќи дека Бренд сексуално ја нападнал и ја принудувал да ги мие забите додека не и прокрвавиле непцата.

„Тајмс“ објави и сведочење од шест други жени, вклучително и наводи дека Бренд имал секс со една жена без нејзина согласност и дека ја продолжил врската со друга жртва откако таа го замолила да престане бидејќи тоа и предизвикува болка.

Веста за новата истрага доаѓа само неколку дена откако колумнистот на Дејли Мејл, Брајони Гордон, откри детали од нејзината средба со Бренда кога имала само 25 години.

Гордон рече дека Бренд, во време кога се борела со OCD и булимија, и предложил да ја поминат ноќта заедно во неговиот дом, натерајќи ја да ја измие устата со средство за плакнење пред да се бакнат.

„Нема да навлегувам во детали за тоа како се одвиваше остатокот од ноќта со Бренда. Но, можам да кажам дека кога заминав следниот ден, целата непријатност што ја чувствував поради таа средба си ја препишав само на себе“, изјави Гордон.

Бренд е осуден по една точка за силување и три точки за сексуален напад на 10 години и шест месеци затвор, а казната ќе ја отслужи во еден од најголемите англиски затвори во Јужен Лондон – Вандсворт. Бренд е во тој затвор една недела.