Ненадејно почина рускиот амбасадор во САД

Рускиот амбасадор во Соединетите Американски Држави, Александар Дарчиев, почина на 67-годишна возраст, соопшти руското Министерство за надворешни работи. Како што пишува рускиот Интерфакс, Дарчиев беше искусен дипломат кој во текот на својата децениска кариера извршуваше голем број важни позиции во руската дипломатска служба.

„Со длабока тага ве известуваме дека на 11 ноември, на 67-годишна возраст, амбасадорот на Руската Федерација во Соединетите Американски Држави, Александар Никитич Дарчиев, почина ненадејно“, се вели во соопштението за медиумите на руското Министерство за надворешни работи објавено на неговиот Телеграм канал.

Руското Министерство за надворешни работи изразува најдлабоко сочувство до неговото семејство и роднини. Дарчиев работеше во руското Министерство за надворешни работи од 1992 година, а во текот на својата кариера извршувал разни позиции во централната канцеларија на министерството и во дипломатски мисии во странство.

Од 2014 до 2021 година, тој беше руски амбасадор во Канада, а од март 2025 година беше руски амбасадор во САД.