Амбасадата на Шведска во Скопје го отвори конкурсот „Шведска амбасадорка на еден ден“

 Амбасадата на Шведска во Скопје по шести пат го отвори конкурсот за позицијата „Амбасадорка на еден ден“, наменет за девојки на возраст од 15 до 29 години кои се заинтересирани за прашањата поврзани со родовата еднаквост, еднаквите можности и спречувањето на насилството врз жените и девојките.

Како што соопшти Амбасадата, избраната кандидатка ќе го следи амбасадорот во текот на еден работен ден, ќе присуствува на состаноци, ќе соработува со персоналот на Амбасадата и ќе учествува во нејзините дневни активности.

Во повикот се наведува дека заинтересираните кандидатки треба да достават мотивациско писмо, кратка биографија со осврт на нивните активности за промоција на родовата еднаквост, две препораки и, доколку се на возраст од 15 до 18 години, писмена согласност од родител или законски старател.

-Краен рок е 10 ноември 2026 година до полноќ, а пријавувањето се врши по електронски пат на адресата [email protected] – информираат од Амбасадата.

Оттаму посочуваат дека кандидатките кои ќе влезат во потесниот избор ќе бидат повикани на онлајн интервју, а конечниот избор ќе биде објавен до 15 декември годинава.

Според Амбасадата, успешната кандидатка своите обврски ќе ги извршува на почетокот на 2027 година, околу 8 март, на датум што дополнително ќе биде договорен.

Иницијативата #GirlsTakeOver се реализира по повод Меѓународниот ден на девојките, 11 Октомври, при што девојки ширум светот симболично заземаат лидерски позиции. Во неа учествуваат Шведското Министерство за надворешни работи и шведски амбасади во повеќе земји.

аинтересираните кандидатки можат да најдат повеќе информации на линкот до објавата на конкурсот Vacancy Announcement: Ambassador for a Day – Sweden Abroad и на социјалните мрежи на амбасадата: @SwedenInMK”.