„К-15“ закажаа и трето шоу, на 18 мај во салата „Борис Трајковски“

„К-15“ закажаа и трето шоу, на 18 мај во салата „Борис Трајковски“, по повод 30 години од првата емисија, откако се распродадоа двата на 16 и 17 мај.

Огњановски, Васко Тодоров и Бубо Каров со ентузијазам се подготвуваат за средбата со публиката, со која ќе прослават 30 години од почетокот на култното комично шоу со Миле Паника, Тошо Малерот, Цацко Конопишки и другите популарни ликови.

„Подготовките за скечевите нѐ потсетуваат на најубавите времиња кога бевме во полна творечка кондиција. Денес, врвната сценска техника, осветлување и видеобимови овозможуваат да се комбинираат содржините на видео со жив настап, збогатени со оркестарот на Џијан, а сето тоа Синиша како режисер ќе го искомбинира на најдобар начин. Сепак, главен фокус ни е да се одржи оригиналноста и да се создаде свежина во скечевите, што не е лесна работа поради постоечките стандарди и очекувањата на публиката“, вели Огњановски.