Шкендија го победи Вардар и побегна на +8
Лидерот во Првата македонска фудбалска лига, тимот на Шкендија забележа победа со 1:0 против Вардар во дерби натпреварот од 19. коло.
Стрелец на единствениот гол беше Омар Имери во 23.минута.
Во финишот на првото полувреме се случи спорен момент. По ударот на Најдовски топката удри во пречката на голот на Шкендија и се одби зад домашниот голман. Судиите проценија дека не била помината гол линијата и натпреварот продолжи со истиот резултат.
Резултати на натпреварите од 19. коло во ПМФЛ одиграни попладнево:
Академија Пандев – Македонија ЃП 3:0
Победа – Беласица 1:1
Работнички – Ренова 1:1
Шкендија – Вардар 1:0
Силекс – Шкупи 2:2.
Табела: Шкендија 43 бода, Вардар 35, Академија Пандев 33, Работнички 27, Шкупи 24, Ренова 22, Македонија ЃП 21, Силекс 19, Победа 18, Беласица 18.