(ФОТО) Поплавен стадионот Влазрими во Кичево

Интензивните врнежи од дожд кои го зафатија кичевскиот регион во изминатите 24 часа, ги преполнија речните корита, што предизвика излевање на повеќето водотеци во овој регион, а поплавија и 50 куќи.
Се излеаја реките Треска, Зајашка Река, Беличка Река и некои помали водотеци, а при овие излевања поплавени се над 500 хектари ораници и ливади.

– Поплавени се околу 50 куќи, претежно во источниот дел од градот во близина на Зајашка Река, информираат од ЦУК во Кичево.

Поплавен е и стадионот на фудбалскиот клуб Влазериме, кој е во близина на Зајашка Река, каде теренот е пола метер под вода.

Врнежите во попладневните часови престанаа и се очекува водата да се повлече во речните корита.