Девојка е најдена мртва во тоалет во „Сити мол“
Министерството за внатрешни работи го објави идентитетот на скопјанката што вчера беше пронајдена мртва во тоалетот во трговскиот центар „Сити мол“. Станува збор за лицето А.М. (30) од Скопје.
Причините за смртта сè уште не се утврдени.
„Вчера околу 19.30 часот во Единицата за информации и команда Скопје, Д.С. пријавила дека од страна на обезбедувањето на трговскиот центар во Скопје во тоалетите на приземјето од објектот било пронајдено починато женско лице. Смртта била констатирана од екипа на итната медицинска помош. Се работи за лицето А.М. (30) од Скопје“, соопштија од МВР.
По наредба на јавен обвинител, телото на починатата било предадено за обдукција за утврдување на причините за смртта.