Се чека Обвинителство да каже дали уапсениот советник на Спасовски зел мито

Дали земање мито е причина за вчерашното приведување на висок функционер на Министерството за внатрешни работи, со иницијали Д.С., се очекува да се знае во текот на денешниот ден. Основното јавно обвинителство работи на случајот и детали се најавени за попладнево.

Од Министерството за внатрешни работи засега не кажуваат новини за приведувањето на нивниот функционер Д.С., вработен во кабинетот на министерот за внатрешни работи Оливер Спасовски.

По налог на Основното јавно обвинителство Д.С. вчера попладне беше приведен во полициската станица Кисела Вода, под сомнение за сторено кривично дело по член 353 од Кривичниот законик „злоупотреба на службена положба и овластување“.

Дел од медиумите неофицијално објавија дека Д.С., бил уапсен за мито и оти претендирал за директорската позиција во СВР Скопје.