По честите прозивки од Трамп, Мерил Стрип побара правно да го заштити своето име

Познатата холивудска актерка Мерил Стрип поднела барање за заштита на сопственото име.

Барањето било поднесено на 22 јануари и било побарано да не се употребува во забавната индустрија, филмовите, јавни говори и автограми.

Во својата 40 годишна кариера, актерката има добиено три Оскари, три Еми награди и шест Златни глобуси, а минатата недела беше по 21 пат номинирана за Оскар за улогата во филмот „The Post“.

Иако заштитата на името не е реткост кај славните личности, со цел други да не заработуваат на нивна сметка, кај Стрип се смета дека дополнителен фактор кој придонел за да го направи овој чекор е „војната“ со актуелниот американски претседател Доналд Трамп, кој ја користи секоја можност за да го извалка нејзиното име.