Мачорот Ахил ќе го прогнозира победникот на Мундијалот во Русија

Русија- Белиот мачор Ахил, кој живее во музејот „Ермитраж“, ќе биде официјален „пророк“ на Мундијалот во Русија, кој започнува на 14-ти овој месец.

Медиумите веќе го споредуваат Ахил со познатиот октопод Пол кој точно ги погодуваше резултатите на Светското првенство во 2010 година. Пол тогаш го погоди дури и шампионот, Шпанија.

Мачорот Ахил, кој е глув, веќе погодуваше резултати од Купот на Конфедерации лани. Победниците ќе ги погодува бирајќи меѓу два сада со иста храна, но со различни знаменца.