Марјана Станојковска и Васил Зафирчев водители на „Охрид фест 2018“
На 25-тиот јубилеен меѓународен фестивал ’’Охрид фест-Охридски трубадури“ кој ќе се одржи на 6-7 и 8 септември, од 20,30 часот, ќе настапат преку 80 изведувачи.Фестивалот покрај македонската телевизија ќе го пренесуваат уште седум балкански телевизии и австралискиот сателитски канал INTV.
Подготовките за фестивалот се во завршна фаза. Од денес ,на кејот од Охридското езеро пред хотелот ““Нова Ривиера““ почнува монтажата на големата сцена, на озвучувањето и светлосните ефекти.
Комплетиран се списоците на пејачи и песни кои ќе бидат преимерно изведени на Фолк, Поп и Интернационалната вечер .Песните од Поп и Фолк вечерта ќе се најдат на ЦД-еа кои ќе ги сними “Сенатор“ од Битола.
„Кроација рекордс“ ќе ги промовира новите албуми на хрватската денс група „Колонија“ и на фолк-ѕвездата Нада Обриќ на 8 септември, на официјалната прес-конференција на „Охрид фест-охридски трубадури“ во хотел „Нова Ривиера“ во 10, 30 часот, информираа од дирекцијата на престижниот фестивал.
Карлос (Бугарија), Жак Худек, Владо Калембер (Хрватска), Елизабет Христоу ( Грција), Ален Исламовиќ (БИХ), групата “Балканика’’(Србија), Мерима Његомир (Србија), се само дел од странските гости чие присуство е потврдено.
На Поп- вечерта поголем простор за афирмација ќе и биде дадена на новата млада и надежна генерација пејачи.На програмата се наоѓаат 18 песни кои ќе ги слушнеме во изведба на Ѓерѓи Пандо ,Александар Здравков , Сашко Андриески, Рената Блажевска ,Анастасија Аврамовска ,Симеон Коруноски ,Горан Наумовски, Дует „Чоки“ , Жармена, Денис Димоски ,трио „Џентлеменс“, Лени Партикова, Огнен Здравковски , Зои Блаж , Пепа Димовска, Филип Јордановски и Лена .
Водители на Поп и Интернационалната вечер ќе бидат манекенката Марјана Станојковска и актерот Васил Зафирчев.
На минатогодишните Охридски трубадури првата награда на стручното жири ја освои мелодијата’ ’Очи зелено сини’’ во изведба на Горан Милошески додека првата награда на публиката и припадна на песната ’’Силна’’ која ја исполни Пепа.
Уметнички директор на фестивалот е Григор Копров.