Леб со банани, ореви, какао и суви сливи


Состојки:

4 зрели банани

100 мл сок од лимон

80 г путер

5 јајца

150 г шеќер

3 лажици какао

1 прашок за печиво

1 лажичка сода бикарбона

3,5 шолји пченично брашно

1/2 шолја сечкани ореви

1/2 шолја сечкани суви сливи

Приготвување:

Бананите испасирајте ги и прелијте ги со сок од лимон. Брашното измешајте го со какао, сода бикарбона и прашок за печиво. Путерот растопете го и оставете го малку да се излади.

Јајцата пенесто разматете ги со шеќер, додајте банани и со непрекинато мешање додајте ги путерот и останатите состојки.

Сите состојки добро соединете ги за да се добие компактна смеса. На крај додајте сечкани ореви и суви сливи, измешајте и смесата ставете ја во калап за леб, обложен со хартија за печење.

Печете во загреана рерна на 180 степени околу 30 минути. Печениот колач извадете го од рерна и оставете го да се излади.