(ВИДЕО) Лавина затрупа скијачи во ски-центарот Кран Монтана
Неколку скијачи се затрупани во лавина во швајцарскиот скијачки центар Кран Монтана, соопшти денеска полицијата.
Полицијата на кантонот Вале, каде што се наоѓа ски-центарот, на Твитер објави дека спасувачки екипи се на терен и дека неколку лица се затрупани.
Локалните медиуми објавија дека во лавината се затрупани од десет до 12 лица, но и дека тој број можеби е поголем.
Лавината се одронила бидејќи температурата минатата недела била во пораст, што предизвикало топење на снегот.
Plusieurs personnes auraient été ensevelies par une avalanche sur une piste de ski de Crans-Montana. Les secours sont sur place.#video pic.twitter.com/tQJIoC9RyX
— RTSinfo (@RTSinfo) February 19, 2019