Класика и шлагери за Денот на независноста: Настап на Филхармонија, Тијана и Тамара

Денот на независноста, 8 Септември, ќе биде одбележан во дворот на Владата, под отворено небо. Како што соопшти денеска владиниот портпарол Миле Бошњаковски, предвидена е богата програма, а поканети се сите граѓани.

– Во сабота, во 18 часот одбележувањето на Денот на независноста ќе почне со концерт за најмладите на „5+“ бенд, по што следува настап на Македонската филхармонија која заедно со Тамара и Тијана ќе изведат шлагери, а потоа е Емин Џијан, информира Бошњаковски.

Согласно Програмата, предвидено е и обраќање на премиерот Зоран Заев.