Доброволците во АРМ дадоа свечена заклетва
Триесет и четвртата генерација војници на доброволно служење воен рок во Македонија денесКА во касарната „Алексо Демниевски-Бауман” во Велес даде свечена заклетва.
Командантот на Центарот за индивидуална обука, потполковникот Арбен Јакупи, на свеченоста порача дека во наредниот период им претстои напорна работа во совладувањето на планираните содржини од обуката. Тој посочи дека со служење на воениот рок се отвора можноста за надградба во воената професија и се креира база за понатамошна селекција во професионалниот состав на АРМ.
На свеченоста присуствуваа претставници од командите и единиците на АРМ, претставници од Министерството за одбрана, претставници од локалната самоуправа, роднини на војниците и други гости.