Даниел Дончески од Ченто го фати крстот во Скопје

Денеска напладне во водите на реката Вардар во Скопје скокнаа 154 верници по светиот крст од мостот „Слобода“.

Крстот кој поглаварот на Македонската православна црква г.г. Стефан го положи, од водите на Вардар го извади Даниел Дончевски од скопската населба Ченто.

Даниел досега девет пати учествувал на оваа манифестација, а овој пат по петти пат го фатил крстот.

„Го фаќам крстот по петти пат и сфаќам дека ова не е случајно. Крстот го фаќам секоја парна година и секогаш ми носи среќа“, изјави Дончевски.