Вујовиќ се жали на судењето, но ја честита победата на Македонија

Селекторот на Словенија, Веселин Вујовиќ, беше фрустриран од судењето по поразот од Македонија во 1.коло на Европското првенство „Арена Загреб“.

– Им го честитам успехот на македонскиот национален тим. Немам приговор на играта на моите избраници. Заклучив дека по 45 години не ги знам правилата на ракометот. Во повеќе од 90 проценти од случаите, не знаев што судеа романските судии. Ако ова судење се оцени како позитивно, ќе морам да ја сменам професијата, рече Вујовиќ.

Знам колку оваа победа значи за македонскиот народ и многу сум среќен поради тоа. Нас ќе ни биде тешко да се вратиме психолошки по еден ваков пораз, додаде словенечкиот селектор.