(ВИДЕО) Се вози по автопатот Миладиновци-Штип

Автопатот Миладиновци-Штип ќе биде официјално пуштен во сообраќај на крајот од годинава. Сепак, возачите веќе ја користат делницата, која значително го скратува патувањето од Скопје кон градовите во источна Македонија.

Новиот автопат е веќе целосно асфалтиран, но според најавите од Министерството за транспорт и врски, до крајот на годината останува да се завршат работи од техничка природа, обележување на коловозот, поставување сигнализација покрај патот, поставување заштитни мрежи, засадување на дрвја покрај патот, како и доасфалтирање на одредени позиции.

Автопатот Миладиновци – Свети Николе – Штип, со должина од 47 километри, се гради веќе пет години, а чини околу 226 милиони евра.