Американски медиуми: Се уште нема информација за исчезната Шабани
Се уште нема нови информации за исчезнатата Адеа Шабани, која последен пат е видена на 23 февруари во Калифорнија.
Откако нејзините пријатели го пријавија случајот во полиција, нејзината мајка замина за Америка каде ангажираше приватен детектив за да ја пронајде Адеа. Сепак и покрај паричната награда од 25. 000 долари која се нуди за информација, сега за сега нема инкаква трага од неа.
Голем дел од американските медиуми ја пренесоа веста за Шабани, а тоа што посебно се истакнува е гламурозниот живот кој го водела, односно забавите со познати музичари и спортисти, а тоа најдобро може да се види од фотографиите објавени на нејзиниот Инстаграм профил.