Американски воен авион се урна во Невада

Авион на Военото воздухопловство на САД од типот Ф-16 се урна во американската сојузна држава Невада, при што загина пилотот на леталото.

Како што соопшти американската армија, авионот се урнал за време на вежбовен лет.

Причините за падот на авионот засега не се соопштени.

Ова е трет инцидент на американско воено летало оваа недела. Четворица маринци загинаа при уривање на воен хеликоптер во јужниот дел на Калифорнија во вторникот, а истиот ден претходно се урна и авион од типот АВ-8Б Хериер на американската Воена морнарица, набрзо по полетувањето од аеродромот во Џибути.