Холивуд

Лејла Сабит

Животот не е филм.

Славата не е вечна.

Секој што е млад, ќе стане стар.

Да си ѕвезда, не значи и среќа.

Успехот не носи секогаш пари.

Јавноста значи и губење приватност.

Црвениот килим си има цена.

Не можете да избегате од папараци, ви ги бројат брчките, врските, браковите, разводите, алиментациите и ви ги критикуваат фустанот, костумот и чевлите.

Холивуд знае да биде блескав, но и безмилосен.

Од дното да ве искачи на врвот, и од врвот да ве симне на дното.

Губитниците да ги направи победници, и победниците – губитници.

Смртниците – богови, боговите смртници.

Омилените – омразени, омразените – омилени.

Пријателите – непријатели, непријателите – пријатели.

Холивуд се сврте против Холивуд.

Кај што има паради има и протести.

Кај што има предатори, има и жртви.

Кај што има озборување има и молчење.

Кај што има тајни има и јавност.

Кај што има радост има и болка.

Кај што има обвинувања, има и извинувања.

Меѓу љубовта, омразата, вистината, лагата и лицемерието тенка е линијата.

Истрагата е во тек.