Холивуд го фали македонскиот филм „Исцелител“: Сакаат англиска верзија со Метју Меконахи или Вуди Харелсон

Македонскиот филм „Исцелител“ во режија на Ѓорче Ставрески добива многу пофалби од светските филмски критичари. По рецензијата на „Варајати“, филмот го гледаше и Стивен Далтон од „Холивуд репортер“.

Тој запишува дека терапевтстката торта од канабис предизвикува ланец на драматични настани во трагикомедичното филмско деби на Ставрески.

Понатаму, препорачува дека би било убаво да се направи римејк на овој филм на англиски јазик, а улогата на Веле, која ја толкува Благој Веселинов да ја игра Метју Меконахи или Вуди Харелсон.

„Исцелител“, предизвика многу позитивни реакции и кај домашната публика, но и на прикажувањата на филмските фестивали во Солун и Талин.

Филмот може да го погледнете на редовен репертоар низ македонските кина.

Целиот напис од Холивуд репортер може да го прочитате тука.