Нова година

Лејла Сабит

 

Некој се радува.

Некој тагува.

Некој се надева.

Некој е разочаран.

Некој молчи.

Некој не затвора уста.

Некој ќе троши.

Некој ќе штеди.

Некој ќе слави.

Некој ќе седи дома.

Некој ќе биде среќен што е жив и здрав.

Некој има.

Некој нема.

Некој не знае што да прави со парите.

Некој не знае што да прави со социјалната помош.

Секоја Нова година сме на крстопат и како граѓани и како држава.

Една година ќе бидеме постари, ама којзнае дали и помудри.

Има и бетер, зависи дали зборувате македонски или англиски.

Животот го прават малите нешта, малите радости, драгите луѓе, патувањата…

Затоа во новата година не е битно што ќе облечете, што ќе подарите, колкава елка ќе накитите, што ќе зготвите, дома или во странство, сами или во друштво.

Битно е животните лекции да нѐ одведат на прав пат.

И како граѓани и како држава.

Среќна Нова 2018 година!