(Видео) Мицковски: Командант Хоџа наместо да биде санкциониран, тој добива место во Владата

Лична работа на Заев е желбата да сака да му помогне и да се грижи за семејството на Џезаир Шакири, односно таканаречениот командант Хоџа. Двајцата делат иста идеологија и исти вредности. Сепак, тоа што се политички истомисленици и постигнале некаков меѓусебен договор, не му дава на Заев за право да го вработува на висока функција во Владата и да го плаќа со пари на граѓаните, реагира лидерот на ВМРО-ДПМНЕ, Христијан Мицковски.

„Но, тука е важна и една друга порака. Се уште немаме одговор на прашањето кој го заробил, и кој го ослободил Танушевци, и зошто доколку било тоа така надлежните органи не реагирале и не ја известиле јавноста. И суштинската дилема останува, доколку некој се дрзне да направи некое незаконско дело, нападне полиција или нешто слично, наместо да биде санкциониран добива место во Владата. Ова е случај каде се рушат вредности, а преседанот станува правило“ – вели Мицковски.

Тој рече дека е исклучително опасно ваков човек да биде поставен на така висока и чувствителна функција.