Венчаницата на Шерон Тејт на продажба

САД– 20 јануари 1968 година беше ден за паметење за Шерон Тејт. Веднаш по нејзиниот прв успешен филм „Долина на куклите“, актерката се омажи за режисерот Роман Полански на фестивал во Лондон, на кој присуствуваа познати личности како Кендис Берген и Џоан Колинс.

Фустанот што Тејт го носеше тој ден – една година и пол пред да биде убиена од група следбеници на Чарлс Менсон – сега оди на продажба. Аукциите на Џулиен ќе го понудат уникатниот свилен фустан во боја на слонова коска за продажба на дводневен настан онлајн и во канцелариите во Лос Анџелес на 16-17 ноември. Фустанот ќе се продава за сума меѓу 25.000 и 50.000 долари.

Персонализираниот багаж, означен со „СТ”, што Тејт го носела на својот меден месец, се очекува да донесе уште 1.000 до 2.000 долари.
Фустаните од Диор и Алба што актерката ги носеше на премиерите на филмовите на Полански, книгите за актерската игра и едно „Мејблин“ моливче за веѓи исто така ќе бидат понудени на аукцијата.
Тејт имала само 26 години и го очекувала своето прво дете кога била свирепо убиена на 9 август 1969 година. Смртта на Тејт и четири други лица во куќата на Беверли Хилс која таа и Полански ја изнајмувале – работел надвор од земјата кога умрела – го потресе Лос Анџелес.

Холивуд снима три филма за Шерон  Тејт со Марго Роби, Кејт Босфорт и Хилари Даф.