Саудискиот државен обвинител пристигна во Турција

Ал Моџаб во Истанбул ќе има средба со главниот турски обвинител Ирфан Фидан, и ќе го посети Конзулатот на Саудиска Арабија.

Џамал Кашоги, новинар и колумнист на „Вашингтон пост“ и соработник на весникот „Ал Ватан“, исчезна на 2 октомври, откако влезе во комплексот на Конзулатот на Саудиска Арабија во Истанбул.

Турските безбедносни извори претходно потврдија дека Кашоги не ја напуштил зградата на Конзулатот, а во истиот период во Конзулатот престојувале 15 саудиски државјани и службеници, кои со одделни летови пристигнале, а потоа ја напуштиле Турција.

Истрагата за убиството на новинарот е во тек, а главна задача на истражителите е пронаоѓање на посмртните останки на Кашоги и утврдување на одговорните за убиството.

Властите на Саудиска Арабија соопштија дека Кашоги наводно е убиен за време на расправија во Конзулатот.