Прволигашки фудбал: Шкендија и Вардар ќе доцнат, се чисти снег на стадионот во Тетово

Шкендија и Вардар ќе влезат нешто подоцна во пролетниот дел од домашниот фудбалски шампионат за разлика од останатите прволигашки екипи. Причина е снежната покривка на стадионот во Тетово што се чисти во моментот, па дербито, според најавите, ќе започне со задоцнување наместо во 14 часот како што беше првично планирано.

Во останатите средби од 14 часот ќе играат Победа – Пелистер, Работнички – Ренова, Шкупи – Академија Пандев и Силекс – Скопје.

Шкендија е лидер на табелата со 46 бода пред Вардар со 38. Силекс е трет со 31, а по кратовци следуваат Академија Пандев со 25, Работнички и Шкупи по 23, Победа со 19, Ренова со 18, Пелистер со 16 и Скопје на последната позиција со 10 бода.