Повредени две момчиња откако со мопед се забиле во куќа

Две момчиња се здобиле со повреди, од кои едното со скршеници во сообраќајна несреќа што синоќа се случила во селото Беловиште, Гостиварско. Тие се возеле на нерегистриран мопед на четири тркала по локален пат и откако возачот С.С.(18) загубил контрола удриле во ѕид од куќа.

Според првичните информации од увидот, возачот немал возачка дозвола, а брзината со која се движел четирициклот не била прилагодена. Од силината на ударот, заедно со совозачот и возилото се превртеле.

Набрзо по несреќата, двајцата биле прфлени во гостиварската болница, по што совозачот М.Р. (18) бил задржан, а возачот, С.С. заради тежината на повредите бил префрлен на скопските клиники.

Со овластување на Јавен обвинител, увид извршила полициска екипа, а причините и околностите на несреќата дополнително ќе се утврдуваат.