Зошто мамурлакот станува потежок со возраста?

Некогаш можевте да излезете и да пиете до сабајле, а утредента да се опоравите до два попладне, но дали сте забележале дека како одминуваат годините, станува се потешко.

Ако сте од оние кои се почесто откриваат дека повеќе не можат да го издржат излегувањето како порано – сега ќе знаете зошто.

Како што стареете, закрепнувањето станува подолго и поизмачувачко. Понекогаш тоа трае со денови. Ова се биолошки факти. И додека не постои универзален лек за мамурлак, постои здрав разум – а тоа е да бидете нежни со себе. Затоа што биологијата нема.

Како што старееме, имаме пониски нивоа на ензимите на црниот дроб алкохол дехидрогеназа и алдехид дехидрогеназа, кои се потребни за разградување на алкохолот и неговите остатоци. Како резултат на тоа, ацеталдехидот, еден од остатоците од алкохолот поради кој се чувствувате ужасно, останува подолго во вашето тело, открива порталот „Science of Us“.

Како што стареете, ќе ви биде сè потешко да се опоравите од се, велат научниците, бидејќи нашиот имунолошки систем постепено слабее. Вашето тело сè уште знае само како да се лекува и заштити, но не толку брзо како кога сте биле млади.

Покрај тоа, многу обврски доаѓаат со годините, па повеќе не можете да лежите цел ден и да се опоравувате како порано. Ова го прави вашиот мамурлак да се чувствува полошо.

Исто така, како што старееме, акумулираме се повеќе и повеќе телесни масти. Мастите не го апсорбираат алкохолот и оние кои го имаат потешко ги поднесуваат последиците од пиењето. По правило, жените имаат повеќе масти од мажите и тоа е една од причините зошто не можат да пијат колку што пијат, зошто побрзо се опиваат и потешко се справуваат со мамурлакот.

Ако страдате од хронична болест, тоа значи дека лековите што ги земате може да го попречат разградувањето на алкохолот, па постои можност тој да остане подолго во вашето тело.