Зошто ја украсуваме новогодишната елка? Многумина не знаат, но секој го прави тоа

Украсувањето на елката како што го правиме денес потекнува од територијата на Германија, кога во средниот век за Божиќ елката се украсувала со црвени јаболка, а на запад од денешна Германија со колачиња во различни форми и свеќи кои го симболизирале Христос како вечна светлина.

Во следните векови овој обичај се проширил низ Стариот континент. Во Англија, новогодишна елка украсена со бонбони, хартиени цветови, лакови и мали подароци за прв пат се појави во 1841 година.

На почетокот, украсувањето на елката било резервирано само за повисоките класи на општеството, но многу брзо сите го прифатиле овој обичај.

Доселениците од Германија го донеле овој обичај на американско тло, а Азија дознала за новогодишната елка од мисионерите.

Сепак, постојат бројни теории за потеклото на обичајот за украсување на елката.

Најчесто се поврзува со симболиката на дрвјата во ритуалите пред доаѓањето на христијанството, особено со приказната за Дабот од Донар, дрво кое се сметало за свето од древното германско племе Хата.

Според легендата, христијанскиот мисионер Бонифациј, кој подоцна бил канонизиран, исекол едно од овие дрвја во 723 или 724 година за да им покаже на паганите супериорноста на христијанството над нивната религија – недостатокот на реакција од паганските богови требало да им покаже на паганите дека треба да ја отфрлат својата религија и да го прифатат христијанството. Тој успеал во тоа и моментот опишан во оваа легенда обично се смета за клучен за христијанизацијата на Германците.

Обожувањето на дрвјата било многу вообичаено меѓу европските пагани и во голема мера го преживеало нивното прифаќање на новата религија.