Зошто Д Викенд не е номиниран за Греми?

САД– Канадската поп-ѕвезда Д Викенд реагира на шпекулациите дека неговиот претстоен настап на полувремето на „Супербол“ е можеби причина што не доби ниту една номинација за Греми-награди.

Тој го нарече доделувањето на „Греми“ корумпирано по објавените номинациите во вчера, а неговото име не беше меѓу номинираните и покрај многу успешната година.

Неговата реакција доаѓа по медиуските шпекулации дека спорните преговори со организаторите на „Греми“ можеби доведоа до негово изоставување од номинациите.

Во својата најнова објава на социјалните мрежи, Д Викенд (30) им напиша на организаторите: „Ми должите мене, на моите фанови и на транспарентноста на индустријата“.

Sвездата од Торонто беше во преговори дали може да настапи на претстојниот Super Bowl, изјавија извори за ТМЗ во вторникот.

Организаторите на „Греми“, наводно, побарале тој да продолжи со преговорите за настап на сцената на полувремето на Super Bowl.

Инсајдери изјавија дека во таборот на Д Викенд, изведувачот на мегахитот Can’t Feel My Face, се сомневаат дека отсуството на номинации е одговор на непријатните преговори за тоа дали тој ќе настапи на „Супербол“.

Поп-ѕвездата Бијонсе освои најмногу – девет номинации за доделувањето на следните Греми награди. Меѓу нив и за песна на годината, како што објавија организаторите денес.

Британската пејачка Дуа Липа, Тејлор Свифт и раперот Роди Рич имаат по шест номинации на 63-то издание на свеченоста. Добитниците ќе бидат објавени на 31 јануари следната година.