„Зидојче цајтунг“:Владата на Александар Вучиќ со помош на ЕУ ќе опстои уште долго, граѓаните залудно протестираат
Александар Вучиќ е силен човек кој треба да го спречи геополитичкиот хаос на Балканот и да обезбеди пријатна инвестициска клима. За возврат, мора да ја уништи демократијата за да остане само фасада, оценува угледниот германски „Зидојче цајтунг“.
„Според она што владетелите на Србија го зборуваат во последно време, може да се добие впечаток дека земјата е во војна или дека таа војна е барем зад аголот“, пишува „Зидојче цајтунг“.
Според извештаите, премиерката Ана Брнабиќ ја означила набљудувачката мисија CRTA како некој што ја дестабилизира земјата. Претседателот Вучиќ ги означи „масовните протести против насилството и изборните кражби“ како бунт насочен од странство со цел да се започне „обоена револуција“ во Србија, пишува минхенскиот весник, пренесува Данас.
„Кој повторно ја спаси земјата од најлошото во тешки времиња? Руската тајна служба, која, како што рече премиерката Брнабиќ, навреме ги предупредила властите за тоа што се случува во Белград“, пишува „Зидојче цајтунг“.
Премиерката Ана Брнабиќ призна дека руската тајна служба навреме ги предупредила властите за тоа што се случува во Белград
Весникот потсетува дека Вучиќ како најголеми србомразци означи група европски парламентарци кои не сакаат да дозволат неговиот режим да се извлече со изборната кражба.
Непријателите постојано демнат, но за среќа, против нив постои единствен став – ваквите наративи се дел од стандардниот репертоар на автократите и популистите, пишува во тој текст новинарот Тобијас Зик.
„Судејќи според официјалните изјави, непријателите се првенствено на Западот. Сепак, гардата не е крената толку високо: според неговите сопствени тврдења, Вучиќ сè уште има аспирации за влез во ЕУ, а тоа е целосно во согласност со неговата логика“, пишува Зик и објаснува:
Земјите од ЕУ, пред сè Германија, се меѓу најважните економски партнери на Србија. Германските компании делумно ја финансираат пропагандната машинерија на Вучиќ со објавување огласи во српските медиуми блиски до режимот.
Погрешна оценка на Ангела Меркел
Според извештаите, Вучиќ може да биде сигурен дека водечките политичари на ЕУ нема премногу да го критикуваат додека тој „ја лупи демократијата на својата земја додека не остане само фасада“.
„Конкретно, поранешната канцеларка Ангела Меркел ја ценеше неговата улога на „стабилократ“, како што критичарите на шега го нарекуваат. Тој е силен човек кој треба да спречи поголем геополитички хаос на Балканот, да обезбеди пријатна инвестициска клима за странските партнери, а за возврат му толерираат стварање нов „делумно слободен“ политички систем“, пишува весникот.
Поранешната канцеларка Ангела Меркел особено ја ценеше улогата на Вучиќ како „стабилократ“ кој треба да обезбеди пријатна инвестициска клима за странските партнери, а истовремено да го толерира новиот „делумно слободен“ политички систем, пишува новинарот Тобијас Зик.
Во текстот Зик оценува дека Европската комисија и американската влада сѐ уште имаат резервиран однос кон „документирани изборни манипулации“ и дека средствата за притисок се ограничени.
„Владејачката СНС на Вучиќ денес брои повеќе од секој десетти граѓанин на земјата. Со годините израсна во моќен клиентелистички апарат кој дели работа во јавниот сектор и го насочува државниот буџет во кампањи и пропаганди“, ценува весникотж
„Таков систем не може да се смени преку ноќ. Постојат многу индикации дека стабилократијата на Вучиќ ќе постои уште долго време. Цената ја плаќаат Србинките и Србите кои неуморно, во илјадници, излегуваат на улица за да бараат вистинска демократија – дури и иако нивната надеж за поддршка од ЕУ во текот на годината жестоко избледе“, пишува новинарот Тобијас Зик за Зидојче Цајтунг, пренесува Данас.