Жителите на Цирих изгласаа забрана на дувалки за лисја

Жителите на Цирих, пред два дена, гласаа на референдум за строго ограничување на употребата на дувалки за лисја и правосмукалки на бензин.

Повеќе од 61% од гласачите ги поддржаа рестриктивните правила, за кои властите велат дека ќе го ограничат загадувањето од бучава и прашина. Дувалките за лисја и правосмукалките на бензин ќе бидат целосно забранети во Цирих, најнаселениот град во Швајцарија, објавија тамошните медиуми.

Противници на забраната: Животот ќе им биде отежнат на многу луѓе
Ќе се користат само електрични уреди за отстранување на нечистотија и остатоци. Ова ќе биде можно само од октомври до декември, три месеци во годината. Според властите, користењето на уредите во други периоди ќе бара посебна дозвола, а дозволите ќе се издаваат само во исклучителни околности.

Поддржувачите на одлуката се пожалија дека дувалките за лисја и правосмукалките се бучни и шират ситна прашина, предизвикувајќи загадување на воздухот. Тие исто така наведуваат дека уредите се штетни за микроорганизми како што се бактериите и препорачуваат користење гребла за отстранување на лисја и ѓубре.

Сепак, противниците на забраната предупредија дека рестриктивните правила непотребно ќе им го отежнат животот на многу луѓе.