Жена се изолирала во тоалет од авион пет часа откако имала позитивен тест среде лет

Една американска жена раскажа како се затворила во авионска тоалетна кабина откако била позитивна на ковид на половина пат од летот од Чикаго до Исланд.

Мариса Фотиео, наставничка од Мичиген, рече дека грлото почнало да ја боли на половина пат од патувањето, па отишла во тоалетот за да изврши брз тест за ковид кој потврдил дека е заразена.

„Само го направив мојот брз тест и го донесов во тоалетот, а во рок од две секунди имаше две линии [што укажува на позитивен тест]“, изјави Фотиео за NBC News.

„Имаше 150 луѓе на летот, а мојот најголем страв беше да не им го пренесам “, рече таа.

Споделувајќи ја веста преку ТикТок, Фотиео објави кратко видео од внатрешноста на тесниот простор пишувајќи: „Кога си позитивен на тестот за ковид додека сте над Атлантскиот океан“.

Фотиео рече дека останала во бањата до крајот на летот, потпирајќи се на стјуардесата Рагнхилдур „Роки“ Еириксдотир за да обезбеди храна и пијалоци.

Видеото на Фотиео на ТикТок е прегледано повеќе од 4 милиони пати откако за прв пат беше поставено на 21 декември, при што гледачите беа љубопитни да дознаат како таа успеала да се качи на летот.

Фотиео се осврна на загриженоста во делот за коментари на платформата, објаснувајќи дека добила два негативни ПЦР теста пред да се качи. „Никогаш не стигнав до мојата дестинација“, ги ажурираше таа обожавателите преку ТикТок. „Сега сум во карантин во Исланд“.

Во очигледен обид да се забавува за време на задолжителната 10-дневна изолација, Фотиео оттогаш објави серија видеа од внатрешноста на нејзиниот хотелски карантин во Рејкјавик.

Во интервју за Си-Ен-Ен, Фотиео рече дека била целосно вакцинирана со трета дозаи дека била на пат кон нејзината крајна дестинација Швајцарија со нејзиниот брат и татко, кога била позитивна на сред лет.

„Одлучив да останам во бањата бидејќи не сакав да бидам покрај другите на летот“, рече наставничката за деца во претшколска возраст.