Жена наплаќала бесплатен тоалет на фестивал во Германија. „Заработила“ неколку илјади евра

Полицијата истражува чистачка која незаконски им наплаќала на посетителите да го користат бесплатниот тоалет на „Канстатер фолкфест“ во Штутгарт и на тој начин „заработила“ неколку илјади евра.

Порталот Stuttgarter-Nachrichten пишува дека чистачката е уапсена и осомничена дека незаконски се збогатувала. Жената била уапсена од полицајци во цивил.

Полицијата: Ова е неприфатливо
Полициската управа во Штутгарт на социјалната мрежа Х објави случај на нелегална заработка на фестивалот. Објави и фотографија од заработката на чистачката.

💸 Unsere zivile #Wasenstreife bermerkt: Dringlichkeit der Notdurft ausgenutzt – Eine Reinigungskraft hat Besucher genötigt, für die Toiletten zu zahlen. Ausbeute: Mehrere Tausend Euro. Das ist inakzeptabel. Sie wurde festgenommen & wir ermitteln. Eure #Polizei #Stuttgart 🚽 pic.twitter.com/aLx5gBB1We

— Polizei Stuttgart (@PP_Stuttgart) October 7, 2023

Чистачката ги терала луѓето да плаќаат за користење на бесплатниот тоалет и со тоа заработила неколку илјади евра. „Ова е недозволиво. Жената е уапсена и водиме истрага“, соопштија од полицијата.