Жељко Бебек во Македонска филхармонија на 28 и 29 март

Легендарниот пејач на „Бијело Дугме“ Жељко Бебек со неговиот бенд доаѓаат во Скопје. Закажани се два концерт на 28 и 29 март во Македонска филхармонија, во организација на „Авалон“. Ќе бидат испеани хитовите „Sanjao sam noćas da te nemam“, „Sve će to o mila moja prekriti ruzmarin snjegovi i šaš“, „Selma“, „Ima neka tajna veza“, „Doživjeti stotu“…, потоа „Oprosti mi što te volim“, „Laku noć, svirači“…, па сѐ до актуелните песни од последниот албум на Бебек “Ono nesto nase” како “Ako volis ovu zenu”, “Ljubav ko iz pjesme” и други, со кој ги наполни буквално сите концертни сали во регионов.

Во најголемата група на Балканот на сите времиња „Бијело Дугме“, поминаа уште двајца пејачи, ама покрај Горан Бреговиќ, посебен белег на бендот со дури шест албуми даде токму Жељко Бебек, неприкосновен вокал, којшто ги отпеа најголемите песни на бендот, а и после “Бијело Дугме” успеа да направи многу респектабилна соло кариера.

Влезниците ќе бидат пуштени во продажба утре наутро во 9 часот, во Avalon music & ticket store, продажните места во мрежата на Авалон низ земјава и онлајн на avalon.mk по следниве цени и категории:

CLASSIC SEATS – 1.500 денари

VIP – 1.990 денари