Зеленски за масовниот руски напад: Руските ракети не доцнат (ВИДЕО)
Русија изминатата ноќ лансираше над 60 беспилотни летала „Шахед“ и речиси 90 проектили од различни типови кон Украина. Светот ги гледа целите на руските терористи што е можно појасно: електрани и линии за снабдување со енергија, хидроелектрична брана, обични станбени згради, па дури и тролејбус. Русија е во војна со секојдневниот живот на луѓето. Моето сочувство до најблиските на загинатите од овој терор, порача денес преку социјалните мрежи претседателот на Украина Володомир зеленски.
Според него, во сите градови погодени од нападот веќе се распоредени потребните служби.
-Спасувачите, енергетските инженери, регионалните и локалните власти, полицијата и комуналните служби им помагаат на луѓето. Никој нема да остане без помош. Се обновува електричната енергија. Закрепнувањето во Харков и неговиот регион, Запорожје, Суми, Полтава, Днепро, Одеса, Хмелницки и неговиот регион Виниција и Ивано-Франковск започна од синоќа.
Руските ракети немаат доцнења, за разлика од пакетите помош за Украина. „Шахед“ беспилотните летала немаат неодлучност, за разлика од некои политичари. Од клучно значење е да се разбере цената на одложувањата и одложените одлуки.
Патриот системите мора да ги заштитат Харков и Запорожје; воздушната одбрана е потребна за заштита на луѓето, инфраструктурата, домовите и браните. Нашите партнери точно знаат што е потребно. Тие дефинитивно можат да не поддржат. Ова се неопходни одлуки. Животот мора да биде заштитен од овие дивјаци од Москва, напиша Зеленски.
This night, Russia launched over 60 “Shahed” drones and nearly 90 missiles of various types at Ukraine. The world sees the Russian terrorists’ targets as clearly as possible: power plants and energy supply lines, a hydroelectric dam, ordinary residential buildings, and even a… pic.twitter.com/5dX2fAMMiE
— Volodymyr Zelenskyy / Володимир Зеленський (@ZelenskyyUa) March 22, 2024
Цели биле регионите Запорожје, Харков, Лавов и Дњепропетровск, како и Крив Рог, јавуваат украинските медиуми.
Драматичните снимки покажуваат дека хидроелектраната Дњепар – најголемата во Украина – се запалила, а исто така погоден е и тролејбус, каде има неколку цивилни жртви.Регионалната воена управа на Запорожје соопшти дека во ударите се уништени седум станбени згради, а 35 се оштетени, а има и повредени, пренесува Укринформ.Во централна Украина, градоначалникот на Криви Рог, Олександар Вилкул, изјави дека се слушнале експлозии во градот, но не наведе детали.
„Онаму каде што има можност, потребно е да се набави вода, да се полнат електрични апарати и генератори на струја“, рече Вилкул, пренесува Униан.
Во Крив Рог се воведени распореди за итни случаи за исклучување, а болниците и другата инфраструктура се снабдуваат со струја од агрегати.Синоќа руските воздушни напади ја оштетија електроенергетската инфраструктура и во регионот Лавов, соопштија регионалните власти.