Зеленски објави дека се ослободени 41 населби во јужна Украина

Украинскиот претседател Володимир Зеленски изјави дека повеќе од 41 населба во јужна Украина се ослободени по одлуката на Русија да се повлече на источната страна на реката Днепaр.

„Денес имаме добри вести од југот – бројот на украинските знамиња кои се враќаат на нивното вистинско место во рамките на тековната одбранбена операција веќе достигна десетици. Ослободени се 41 населби“, рече Зеленски.

Зеленски го искористи своето секојдневно видео обраќање за да им честита на неколку единици вклучени во напредувањето низ јужниот регион Керсон.

Тој додаде: „Сè што се случува сега е постигнато со месеци жестока борба. Постигнато со храброст, болка и загуби. Не е непријателот тој што си оди. Украинците се тие кои ги бркаат окупаторите по голема цена“.

Зеленски рече дека полициските единици се преселиле во неколку населени места во регионот Херсон за да започнат со мерки за стабилизација, но ослободувањето на украинската територија е само првиот чекор во долгиот процес.

„Првата и основна работа е деминирањето. Окупаторите оставаат зад себе илјадници мини и неексплодирана муниција. Често сум слушал проценки дека чистењето на Украина од руските мини ќе трае со децении. Не можеме да чекаме толку долго“, рече украинскиот претседател.

„Напаѓачите минираат сè: далноводи, деловни претпријатија, полиња, шуми“, рече тој. „На врвот на контаминацијата од мини во Украина, имавме 300.000 квадратни километри територија опасна по живот“.

Сега, рече тој, благодарение на напорите на саперите, „остануваат околу 170.000 квадратни километри за деминирање. Особено, ова е на најтешките места – каде борбите сè уште се во тек, каде што непријателот ќе додаде повеќе мини пред повлекување, како што е сега во Херсон“.

Зеленски им се заблагодари на десетината земји кои помагаат во деминирањето. Тој исто така алудираше на целите на Украина во конфликтот.

„Мораме да одиме до крај – на бојното поле и во дипломатијата – за нашите знамиња, украински знамиња и никогаш повеќе непријателски трибојки да бидат на целата наша земја, во рамките на нашата меѓународно призната граница“, рече тој.

Зеленски, исто така, им се заблагодари на Холандија и на Соединетите Држави за новата инфузија на помош – околу 100 милиони долари од Холандија и новиот пакет воена помош од САД. „Важни средства за воздушна одбрана. Токму она што ни треба, што баравме“, рече тој.