Зеленски испрати иста порака до светските лидери по обвинувањата на Џеј-Ди Венс за неблагодарност

За време на вчерашната хаотична средба меѓу Доналд Трамп и Володимир Зеленски во Белата куќа, еден од моментите што привлече најголемо внимание беше забелешката на потпретседателот Џеј Ди Венс.

Среде жестока расправија, Венс интервенираше и го праша Зеленски: „Дали барем еднаш му кажа благодарност?

“Have you said thank you once?” –@VP JD Vance pic.twitter.com/kDu0o6gDd4

— The White House (@WhiteHouse) February 28, 2025

Украинскиот претседател јавно им се заблагодари на САД за поддршката со години, а Венс подоцна појасни дека неговото прашање се однесува само на таа средба. Но, Зеленски оттогаш неколкупати ја истакна својата благодарност.

Thank you for your support. https://t.co/YjZKZbYITg

— Volodymyr Zelenskyy / Володимир Зеленський (@ZelenskyyUa) February 28, 2025

По средбата, тој одговори на низата објави на светските лидери и високи функционери кои му изразија поддршка, пишувајќи „Ви благодариме за поддршката“, со точка на крајот. Истиот одговор го испратил на вкупно 38 пораки.

Thank you for your support. https://t.co/qA1X3izj4q

— Volodymyr Zelenskyy / Володимир Зеленський (@ZelenskyyUa) February 28, 2025

Серијата одговори следеше веднаш по неговата објава во која тој напиша: „Благодарам Америка, благодарам за поддршката, благодарам за оваа посета. Благодарам претседателе на САД, Конгресот и американскиот народ“. Во своите најнови објави утринава, Зеленски повтори дека Украина е „многу благодарна“ на САД и дека тие се „навистина благодарни“. Ние сакаме само силни односи со Америка и навистина се надевам дека ќе ги имаме“, додаде украинскиот претседател.