Здружение на германски болници: Клиниките нема да можат да исплаќаат плати

Здружението на германски болници предупреди дека постои опасност, поради ограничувања на работата поради пандемијата, клиниките повеќе да не можат да исплаќаат плати на вработените.

– Ако Владата не ја зголеми помошта, тогаш клиниките нема да можат да исплатат плати на вработените во првиот квартал од следната година, рече претседателот на Здружението, Џералд Гас.

Тој за германските медиуми изјави дека парите од вообичаените фондови не се доволни и дека болниците во моментов имаат само ограничени финансиски средства.

Во средината на декември, германската Влада донесе мерки за помош на болниците.

Според концептот на Министерството за здравство, болниците во особено преполните региони ќе добијат средства доколку се откажат од барањата што можат да се одложат и со тоа да се ослободат кревети.

Според Гас, само 25 проценти од клиниките имаат корист од тоа.

Тој предложи, врз основа на податоците од 2019 година, да се обезбедува месечен буџет за болниците.

Две третини од болниците проценуваат дека ќе имаат загуби во 2020 година, според сегашниот болнички барометар.